((عيش وملح))
هو ليه الود هان
هو عيشنا ناقصه سكر
ولا عيشنا ناقصه ملح
هو دا أخر الزمان
عايشين فى غابة للوحوش
ولا الأصول ناقصها شرح
أمتى حيئون الآوان
نرجع لأصل فينا كان
ونفهم الصداقة صح
نفهم
يعني ايه معنى الصديق
يقاسمني همي وقت ضيق
يحزن لحزني ويفرح معايا
لو يزورني في يومي فرح
يطبب جراح مش يحط
ع الجرح ملح
شجر الصحاب شل عوده
والوفاء ناقصه طرح
يهديك شماتة لو ظروفك
إعتراها في يومها قرح
هى العيوب فى الأختيار
ولا عيشنا ناقصه ملح
ق/
نور الدين محمد
ليست هناك تعليقات:
إرسال تعليق