ياللي بتشمت
****
ياللي بتشمت في المعذور
ضامن نفسك
ممكن يجي عليك الدور
وتلاقي نفسك
زي ما جيت على خلق الله
تبقى ساعتها ياحول الله
محتاج بس لنظرة شفقه
وماشي تلف حوالين نفسك
****
قولي بجد إزاي وليه
قلبك طاوعك تشمت فيه
ياللي مافيش في قلبك رحمه
سيبه ده فيه إللي مكفيه
****
حس ياأخي بظروف الناس
ولا مافيش ذرة احساس
صعب تفضل كده على حالك
لازم تشرب نفس الكاس
****
اصحى شويه بجد وفوق
سيبك بقى م النيه السوء
اللي يشمت في المحتاج
قاسي وندل عديم الذوق
****
الطف بينا يارب ياساتر
واكفينا شر كسر الخاطر
دنيا وكما تدين تدان
وبكرى تشوف بعنيك ياشاطر
ياللي بتشمت
****
كلمات/ وائل محمد علي محمد
ليست هناك تعليقات:
إرسال تعليق