القصر جنب القبر
................
القصر جنب القبر
والبحر بيطل عالترعة
لما جف النهر
ماتت ف حضنه الزرعه
الخوف أصبح قهر
مفروض كأنه جرعة
الجوع اشتكى الفقر
والحر صبح سعلة
بقينا نشرب م البحر
والعين مابتفرقهاش الدمعه
منين نجيب الصبر
والعمر بيجرى بسرعه
الدنيا كلها غدر
وجنتها بقت ولعه
الليل خاف م الفجر
والنهار مستنى القرعه
الشيخ بيشرب الخمر
والفاجر عامل عمرة
الصالح قابض عالجمر
والفاسق لابس عمة
بقى هو ولى الأمر
ويتكلم فأمر الأمة
..........
بقلم.الشاعر
الأمير _محمود
ليست هناك تعليقات:
إرسال تعليق