( صدق القلوب)
بقلمي الشاعر/محمد غبن
شاعر آل غبن وسفيرا للسلام الدولي
6/7/2021
ياقلوب محتاجه صدق مع نفسها
لإمتي وفين هيكون المصير
أحلامنا بسيطه خالص
مش طالبين غني ولا في خيالنا نطير
عايزين بس نعيش وبنتمني
لكل الناس الهنا والخير
نخلي إيدينا في إيدين بعض
والله هنعمل حاجات ياما وكتير
يعني مثال علي كلامي لو رجعنا
لربنا هنشوف خير مابعده خير
لكن إزاي الكل طماع معندهوش
النيه الصافيه والحب للغير
يعني اعيش أنا وأعلي واللي
يضيع يموت اعمله ايه
دا حظي ورزقي كدا يعني
أجيبله من قوتي وأقوم اعطيه
لا لا ياحبيبي إن كان رزق ربنا باعته
مش عشان تكنزه و تخبيه
حس باللي جنبك بص للمساكين
اللي عندهم عفة نفس وقناعه
هتعمل ايه ياحزين بالحظ وهتقول
ايه لربنا ساعة قيام الساعه
هترد وتقوله ايه لما يسالك كنت
فين وقت إحتياج الغلابه
سكت يعني وماردتيش إتقي ربنا
لجل اعمالك تتغفر وتكون شفاعه
بلاش تكبر علي الخلايق بلاش
فرد عضلات وقلة ذوق ونطاعه
ليست هناك تعليقات:
إرسال تعليق