(هيك الدنيا)
****************
بدي اءجر هالمطبخ
واستنفع من آجارو
ماعم بدبح ولابسلخ
ولا عم بشعل نارو
يرحم أيام أتشنفخ
جيراني بحالي يحتاروا
يا ترى شو عم يطبخ
يصيروا بالذكا يتباروا
******************
لحم وشحم وجخ ورخ
عشرين شكل على الصفره
عزيمه للعم والخال والأخ
شله عظيمه ومعتبره
يقولوا ماشالله شو هالجخ
حسدوني ويلي وياحسره
ابكي وأصرخ يامو أخ
فينن؟؟عني أنداروا
*****************
كان مغنطيس الدسم
دوم يشدن لعنا
يغوصوا ببحور النعم
يقولوا ريتك تتهنى
ت النعمه زالت والمحترم
الفول زيارتو نتمنى
لاتتعجب ايه نعم
بعيش بفقري ومرارو
*******************
وجاي تقللي صديقي فلان
كب عن فكرك عمو كب
صديقك لو جيبك مليان
يقلك انت حبيب القلب
يمدح فيك ياعالي الشان
ابعد عنك والله صعب
ولو بتأفلس تصير مهان
حكاية شطارتو لسمارو
******************
شعر ؛ نذير دهان
ليست هناك تعليقات:
إرسال تعليق