سيرتي الذاتيه 
بيوم الجيت لهالدنيازفوني
بطبل وزمر وبالزغاريد
قالولي يا بدر بليلة قدر
وعملوا تاريخ ميلادي عيد
زحفت ومشيت ودار الدهر
ووصلني لآخر العمر
حنى ضهري وجابلي القهر
سقاني الصبر والتنهيد
وصرت أحسب حساب القبر
والملكين وسين وجيم
بقبري وحيد
قريت قرآن إله الكون
تبعت الفرض والسنه والواجبات
واليوم شخت وصرت عجوز
بقلب حنون
ودمع التوبه ع خدي أبات
أناجي الله
ياغالي الجاه بترجاك
عذابي يهون ،،،،أقول واعيد
قالولي أنسى ولايهمك
مادام الرب أسمو غفور
ع قول الخير أفتاح تمك
تعيش على طول
سعيد مسرور
ولو يكون عدد موج البحر
عليك إثمك
بإذن الله بدو يغور
يارب الكون أنا العاصي،،،، تبت
واللي يتوب بحشرو سعيد
دنيا غروره كانت غانيه
والناس حواليها التموا
تمشي تميل بكل ثانيه
ابليس يقول لاتهتموا
عيشوا حياة سعيده هانيه
بلسانو ع طول يرش سمو
ساعة الحشر لابد دانيه
نصيحه عن درب شيطانك حيد
شعر؛ نذير دهان
ليست هناك تعليقات:
إرسال تعليق