( كلام معقول )
******************
دعتلي مرتي،،، يارجال
يهديك لصالح الأعمال
قلتلا سلامة راسك
ولك صالح مات
واتوارثوا الاعمال
ناس ورتت أع
وناس هبشت مال
****************
قالتلي خدلك بوسه
لو كنو قلبك مشتاق
قلتلا يابسبوسه
اي والله الشوق حراق
وبعد البوسه لو تدروا
بهاللي الصار
كتبت البيت بإسما
ورمتني على باب صقاق
********************
لأمشي بباب جنين
واتسحسل بمشواري
واقللا نوحي ياعين
مامعي مصاري
واقول للحم شرف
وزورني ف يوم
يحلفلي الف يمين
ما يدخل دياري
****************
بباب جنين سوق
تباع فيهاللحوم
*****************
كتبتلا باقة أشعار
وبعتللا من قلبي أشعار
تشحدني شي غمزة عين
قالتلي اش عيب وعار
*****************
قالتلي اخجال على حالك
ياشايب هدي الغمزات
ليقولوا عنك عايب
وبالحبس تبات
قلتلا كرمال عيونك
السجن عليي بهون
بس بسمه لو تهديني
قالت هيهات
****************
مرشح قللي نقيني
من بين الكل
جريء مكافح
وياماشاالله
شوخفيف الظل
صدقت كلامو
وعلى اسمو
كتبت موافق
يوم صار ع الكرسي
صبللي وسقاني ذل
******************
شعر؛ نذير دهان
ليست هناك تعليقات:
إرسال تعليق