قصيدة بالعامية
غلابه يا دنيا
غلابه ...وإيه يعني
طول عمرنا نكافح ونبني
وبفلوس...أد إيه ما تدري
دول ملاليم ويا دوب عايشين
نجيب فيهم عيش ومهيصين
الدور والباقي عالمريشين
الي بيلعبو بالفلوس لعب
من فلسهم مش مستفدين
نومهم قليل ...
أكلهم قليل ...
بميت مرض متصابين..
فلوسهم هي السبب
عايزين يكثروها
وما مهم إزاي وكيف ومنين
المهم يكنزو الملايين
ويفضلو عالكرسي قاعدين.
إييييه يالله يا حسنين
خلينا زي محنا ...بفحل
بصل وكباية شاي
شبعانيين.
نحط راسنا عالمخده ..
نقول...يا سابع نوم
لا قرش يسهرنا ولا شرب
الجن .
نصحى الصبح نشطين
ولباب الرزق طالبين
والله هو المعين .
خلينا نكون غلابه ومساكين ...
حتى نفضل إحنا الرابحين
ويوم القيامة نكون مع
الحور العين.
وأصحاب الكراسي والأموال في....سجين
وعجبي...
بقلمي ليلى النصر
ليست هناك تعليقات:
إرسال تعليق