تقرقيب الناب
جيت نسولكم شكون هولكم
كنشرب في القهوى فكرت نونسكم
هدي حكايتي مع الكلام
فقت على أحلام تحقات بالتمام
دخلت عالم فيه ناس خصام
بلاوني بالحروف ونضم الكلام
قريت بزاف وليت سريع الفهام
فهمت شلا حروف هرب لي الشوف
فكرت ندير حاجة شريت جاجة
شفت حاجة في عقلي ناضت عجاجة
الشتاء طاحت بالحجر قل الصبر
مشيت للبحر شفت عالم آخر
ما قدرت نتقدم ولا نتأخر بديت نفكر
مشيت للغابة لقيت حراسها حطابة
طولت الشوف فيها سكن الحلوف
فرك الغزال هجر و داع
تخلا على صغارو وسط الخشلاع
صوت الطير بحاح ما بقا مسموع
تكدرت خاطري من عيني سالو دموع
غاب الامان من أرض الجموع
كتر الخوف كلشي عايش مخلوع
ضاع الامل في كل طريق تلقى الشوك مزروع
ما بقى غير السمع والطوع
والرضا بالامر و الجوع
كتر تخمامي وبكيت بالدموع
للواحد الأحد يا خاوتي العرب لازم الرجوع لازم الرجوع لازم الرجوع
لازم الرجوع
عبد الكريم خلان
ليست هناك تعليقات:
إرسال تعليق