بقلم ... الشاعر / النميرى نافع

 السلام عليكم ورحمة الله وبركاته..

على شط البحر..

على شط البحر..

لمحتها واقفه..

ساعة الغروب..

وشكلها بتحكى..

للبحر حكايات..

مالت على البحر..

وشكلها بتقوله سر..

وهى لحظه..

ويا دوب..

لقيت البحر من حزنه..

بينزل دمعيات..

ضحكت..

ومسحت دموع..

البحر بإديها..

وقالت يا وجع القلوب..

بتبكي يا بحر على حزنى..

دانا يا دوب..

حكيتلك احلى الذكريات..

البحر من حيرته..

ومن حزنه..

ميل وحضن القلب..

اللى صار مغلوب..

مالت برأسها فى حضن البحر..

وغمضت عيونها..

وسكتت..

وطال السكات..

النميرى نافع