أصعب شعور تكون مجبور
على السكات
جواك مهزوز وبتمثل
دور الثبات
مع أنك ملحوظ بتستعير
الأبتسامات
قلت صدق العيون
ما بيخفي الأهات
وكتر خير الشفايف
بتضحك والقلب مات
...............
أصعب أحساس تعيش
جوه تابوت
وسط ناس عايش
لكن بتموت
عايش في بحرك مسالم
وجنبك حوت
بدون ما يفكر متسيطر على
كل القوت
زمن جديد وله تقاليد
مليان عيوب
وفكر بعيد وعكس
الآتجاه مرغوب
وصوت الحق ضايع
والباطل مطلوب
ولوقلت مغلوب يهزمك
صوت النبوت
شايل وماشي وظهرك
ما أنحنى
والدور اللي ماشي كله
بيقول أنا
ترضى ما ترضاش هتنفذ
أمرنا
الباطل له النفوذ والمال
له سلطات
الحب أتهد .. والكره
قصره أتبنى
وبكى الود .. والجفا
صوته غني
حتى الورد .. صار عطره
في الفنا
تجاهله عملله .. في
الجمال أحباط
السعاده تشوفها في
أحلام الليل
والآحلام محبوسه في
خانه المستحيل
ومدام لسه صاحي
قابيل وهابيل
هتعيش يامسكين طول
عمرك في عاهات
ليست هناك تعليقات:
إرسال تعليق