بالعامية.. #شعر_سيف_الدين_رشاد
ورقة وقلم
ورقة بيضة
منورة
يكتب عليها قلم
يقول كلام
علي سطور
وفي هوامش
صفحة
يحكي زمن قصة
وحكاية وجع
وكل ألم
يا أهل البلد
يا حتة سكرة
عشتوا نملة صغيرة
في الزمان والمكان
مكسرة
وزاد وغطي
الجحور جوا الحيطان
سترها إنكشف في لحظة
في ثانية
ما عاد حيطان في المكان
تحمي نملة
من الخوف معمرة
في رعشة
في جلدة جلاد مفتري
الزمان أحلي زمان
والمكان أجمل مكان
لكن البني آدميين
عاملين فراعين
هدوا بيوت النمل الحزين
هدوا بيوت النمل المستقيم
علي خط عيش نملة
تعيش كتير
والسكر ياما تلاقيه
إنت عارف ليه يا خويا
كل ما تكون عايش
في هامش صغير
وكنت فاكر إنه يكون
في يوم كبير
دا كان حلم
ما إنت ساكت عن حق
واجب تدور عليه
بقلمي
سيف الدين رشاد
ليست هناك تعليقات:
إرسال تعليق