خواطر بعنوان : ( زى النهاردة )
كنت من قلبى قريب
كنت بفتكرك حبيب
كنت الدوا كنت الطبيب
كنت القدر كنت النصيب
حبك فى قلبى مودة وسلام
حب حقيقى ومش كلام
تباعد تقرب حلم فى منام
عشرة ومودة وحبل الوئام
كل بسمة فوق جبين
كل نور تفتح له عين
كل همسة فوق شفابف
كل طير ولف لطير
مهما تحكى اوتقول
انسان وعايش مش رسول
بنا عشرة وبالاصول
بنا حب وليل يطول
انسي فرحك انسي جرحك
انسي ظلك انسي كلك
فين ضميرك م اللى غرك
لوتشرق اوتغرب
لوتباعد او تجرب
م اللى دلك م اللى قالك
م اللى خلالك تنسي ضلك
مين ينور ليل ساعاتك
مين يرجع لك حياتك
مين يسكن لك آهاتك
مين توافق روحه ذاتك
روح لحالك صفى نفسك
روح بعيد داوى جرحك
مهما تبكى مش هسامحك
مش هسيب عندك جوارحك
مش هلومك مش هصارحك
مش هعيش حزنك وفرحك
مش هكون عنوان لصرحك
خطوة فى تحديد مصير
بدون تانى بدون ضمير
يتبدد الحلم فى مهور
ويضيع كلام بين السطور
والكره عشش فى الصدور
وفى يوم ماتجمعنا القبور
لافى غموض ولافى حبور
قلت عمره ماكان حبيب
وان قلبه بركان لهيب
حتى وجه صار كئيب
صورة مغلوطة وغريب
بدون حياء ولاحتى عيب
النهاردة كل الكلام اتغير
والوضع والحال بقى محير
ودنيا مغرورة والعمر قصير
خسارة يادنيا مكنتش اتصور
الحلم يتبدد و لحظة يتهور
وتنطفى الشمعه معدتشى بتنور
وتاهت البسمة ونفوس بتتحور
وقلوب بلا معنى معدتشى بتعمر
المال صبح سطوة يدبح وبيعور
بركان وزاد وصفه ولاحد بيدور
النهاردة فاكره زمان وانا صغير
بقلم محمد عباس
الاسمعيليه .مصر
ليست هناك تعليقات:
إرسال تعليق