تفاؤل. شعر محكي
صرلي سنه ع هاليوم أتحسر
اجى الفرح لمن جيت يااسمر
الدني كلها غناني فرح وسرور
وتبادلواالاحباب اللوزو السكر
طل الحلو والسن عم يضحك
شوف الاسى هربان يتعثر
حلت الدني أيامناللحب
أجى ربيع العمر يتمختر
نتبادل الضحكات والغمزات
بين.الاحبه السعد عم يكبر
اناارفع الكاس صحه للجميع
ويمكن بلا كاس رح اسكر
خلي الفرح يعم بين الناس
الدنيا محبه العمرعم يقصر
اذا وزنواالحب وزنوا الكره
ميزان الكره بين الناس رح يخسر
المولى الكريم قال حبوا بعضكم
قبل محبتي أنااليه أتشكر
كتروا ياناس اعياد الحب والهوى
. يمكن الكون يعود يتعمر
بحصه بتمي رح طالعها وقول
اذا بضل الكره هيك رح نتبخر
ودمتم
بسام علي عدرة..
ليست هناك تعليقات:
إرسال تعليق