أرجع لمين (292)
.............
ما كفايه يا قلبي .. وإستكفيت يا عين بتقولوللي إرجع
طب هرجع لمين ..
أرجع للدنيا
اللي نسيتني
ولا للغربه اللي حنيتني
أرجع للقلب
اللي سجني
في أوجاع سنين
دبلت أيامي ما قدرني إتغير فاتني وراح باعني
وكساني آنين
ياما أيدي وشقيت علشانه رد كافأني
بجرح عذابه
بدموعي وراسم له الضحكه في أحضان
فرحه لياليه غابوا
إتنكر مني وليه باعني
وصفى حسابه ..
وسقاني الماضي بألوان
ألمه و مراره
جوايا وحاسس ورده خدعني بأوهامه
وإتبدل حاله روى في الشوك لفراق داره
عد الأيام لاف على غيرنا هد بأيده
لساه بناره
هرجع من تاني لغربه روحي وأحلامي
وأداوي جروحي
وأشطب أسمه
في أيامي
وأهجر ألوان ناس في وشوشها كانوا ملايكه
داسوا على وجعي
علوا مابينا أسوار شايكه
وأهو عدا العمر في شك
وحيره وقسوه ونار
بان عجزي ليالي
وتاهت نفسي
فشلت أختار ..
ههجر دي الدنيا وناس غير ناس يمكن أنسى
لا عتاب وأشكيه
كل ده بأيديه
في ماضي ظلمني
وأعيش باقي عمري عشان أرتاح
وأغزل صبري
وأكتب بدموعي لا عاد
فيه رجوع
وأحذف ألمي
بقلم .. صبري رسلان
ليست هناك تعليقات:
إرسال تعليق