........ ...... الأراجوز. ........ ..
يا لابس بدل الوش و شين
أنا مش فاكر شفتك فين
آ آ فى الخرابة هو أنت غراب البين
يا ما أنت صعبان علىّ يا حزين
وانت وسط الأطفال و هم بك لاهين
فى كل موقف كالحرباء لك لونين
أوم وارفع رأسك ونفض هضومك من الطين
وبطل تقعد على الموائد بنفرين
وخليك صلب وبطل حنين و أنين
منتش محتاج عطف حد يا مسكين
لو كنت حاسس أنك أبن الأكرمين
أمال مين اللى كانوا على الأرض حافيين
ليه تصرفك بيدل على أنك مهين
وليه لابس ثوب أطول منك مترين
بتلء فيه كقرموط فى علبة سردين
أو كفأر فى المصيدة سجين
أو برص على الحائط يضرب بالخفين
أو قفص طماطم من فوق مورد ومن تحت طين
طول ما أنت تأتى فعل الأرذلين
لن تجنى الإ الحسرة وستكون من النادمين
لقد رأيتك رآي العين
ولم يبلغنى عنك أحد الواشين
واستقر بداخلى اليقين
على أنك أقترفت فعل المجرمين
سأضعك يوما تحت القدمين
ولن تنجيك منى دموع العين
خيرّ لك أن تقطع لسانك بالسكين
وتوصف بالمعتوه من المجانين
قبل أن تقف أمام الله يوم الدين
وتحشر فى زمرة المذنبين الخائنين
يوما آويت فى بيتى كلبين
كانوا عند قدمى جالسين
وهم لى كظلى حارسين
سيأتينى أحدهم بك يا لعين
وسينهشك الأخر وتكون من المعدمين
ولن تفر و لو كان لك مؤيدين
شبانة السيد
المنصورة - مصر
ليست هناك تعليقات:
إرسال تعليق