جدتي
_____
فاكر وأنا صغير
جدتي في لمتها
ألبس هدومي أغير
ألمح حنان ضحكتها
تميل عليه تبوسني
أسمع كمان حكمتها
خليك ولد نضيف
الناس عايشه بسيرتها
__________
الله يرحم أيامك
يا بركة كلك خير
تحكيلنا في أحلامك
وتربي لينا الطير
ولما كنا بنغلط
ونخاف من المصير
حضنك كان الدفا
وتقولي عليه صغير
____________
فاكرك يا أحلى جدة
أدام الفرن قاعدة
بعد العجين خبزتي
وعيوننا ليكي شاهدة
لو دخل عليكي جيران
تديهم وتقولي فايدة
الخير يا ولاد بيكتر
مش عاوزه أي معاندة
___________
حواديت
محمد فتحي عبد الغني
2021/1/31
ليست هناك تعليقات:
إرسال تعليق