علاش تتسول فيا وتسقسي
وأنت ما عشتي بحالي
و ما مشيتي حفيان
وانت من نهارك على الكرسي
واش سبق ضاق بيك الحال
وضرتي وعييتي ودختي
وتقاضى جهدك مزيان
وانت مزلوط وما عندك مال؟
واش عمرك عرفتي الجوع
ومصارنك تغني
وانت زايدها عطشان
وسبق حسيتي بملوحية الدموع
أنا وانت ما كنتشابهوش
أنت ما عمرك عرفتي
حقيقة الانسان
والعذاب راك ما ذيقوش
بيني وبينك فرق كبير
وكلامي ما تكون فهمتي
والفرق راه يبان
أنت غني وأنا فقير
لكن أنا بلا كرسي قوي
بشواهدي وقرايتي
بيناتنا الزمان
وراك عارف وبلا ما ندوي
نجات بوريشة
ليست هناك تعليقات:
إرسال تعليق