لأول مره أحس الدم
له سرعات
جوا الجسم فى القلب
فى العضلات
خلانى أطير فى جنتك
بدون جناحات
بدون أئذنك دخلت حصنك
لبابه فتحت
شفت ورده تشبهك
لمستها ..كأنى بلمسك
فاح منها عبير المسك
من روعة عطره سكرت
شفت القمر بيونسك
حواليه نجوم بتحرسك
الكل غاوى ..مجلسك
رقتك تفوق ..الورد
شفت كمان نهر الكوثر
وأنا بخطوتى متعثر
مش قادر لشطه أوصل
ضمني حنانك سقانى
.. .... ...... ... ومنه شربت
جريت وراكي .أستخبيتي
حسيتك فى قلبي . إداريتي
أتمنيتك .تكونى .دليلي
حسيت انى لوحدى تهت
لما ....تهت
صوتى نده عليكي
سمعت الرد
قمت وقفت
وقوام ..فقت
أتارينى كنت
باصص فى عنيكي
فيهم سرحت
**************
وحيد احمد
ليست هناك تعليقات:
إرسال تعليق