قصيدة : (( الفراق ))
للشاعرة المصرية
الأستاذة // سلوى البرشومى
تصميم وإعداد ومونتاج الفيديو
الأستاذ // أكرم عز الدين
الفراق
كنا ثلاثة ...
بقينا إثنتين راحت فجأة
سبتني بسرعة نور العين
هي قالت كلمتين
خليكم شوية
مستعجلين ليه
والله ياغالية
مكناش عارفين أن الفراق
حيخدك من وسطنا فجأة
فات شهر ..اثنين ..ثلاثة ..
وكل مايفوت يوم
مش مصدقة الحكاية
انكتبت بسرعة النهاية
لا كان على البال ولا على الخاطر
سبتينا نعد الأيام
ونفتكر شريط الذكريات
اللي
بنا عشرة ودم اللي بنا حكاية
عمر وصلة رحم
الله يرحم والديكي
قلَّبتي المواجع من تاني
ياترى
ياحبيبتي قد إيه مسبقاني
حفتكرك
طبعا حفتكرك في كل دقيقة
تيجي على بالي
إحساسي أنك معانا بالروح
بنتقابل صباح ومساء
ولسة صوتك سمعاه وصورتك
قصادي بتبتسم
والله حتوحشينا
الكل من يومها حزين
من وداعك اتغيرت الدنيا
بفقدان الأحبة
فاغلقنا باب المسرات
ودوَّنا قصيدة جديدة
على ترانيم عزف الناي الحزين
بقلمى // سلوى البرشومى
من مصر الاسكندريه
ليست هناك تعليقات:
إرسال تعليق