موجوع يادنيا
****
موجوع يادنيا وياما اتألمت
من كتر الوجع لجراحي سلمت
عشت جدع قلبي اتخدع
قبل الاوان اتحنيت وشبت
****
انا اللي فيكي يادنيا من يومي
شارب مر وغرقان في همومي
كتير قاسيت علي نفسي جيت
فاضلي تكه واطلع من هدومي
****
دايما سقياني كاس المرار
بنيت الامل اتهد وانهار
كرهت نفسي وصلني يأسي
لانسان سلبي مالوش قرار
****
خلاص مابقتش معايا فارقه
جبت اخري وحاسس بخنقه
ليلي نهاري مابقتش داري
ان كنت عايش ولا لاءه
****
رباعيات/ وائل محمد علي محمد
ليست هناك تعليقات:
إرسال تعليق