بقلم ... الشاعر / صبري رسلان

 قصقصي ريشه ( 208)

....................

من حقك تهري وتنكادي

وتطقي كمان ...

فضفضي طلعي عنك غيظك

لو دمعه تبان

قطع الرجاله في عمايلها

وعينيها المفكوك صواميلها

أخرة عشريتها بيقهرها

ويقول يا جواز

وفى لحظه بينسى أم عياله

ستراه ما بقلاش

وبقاله سنين ولا بيقرب

سنداه بعكاز

راضيه بأنفاسه تكفيها

تاج راسها ملاذ

ما لقيتش إلا دي تدخل بيتي

فاترينه قزاز ..

...... على ايه منكادة ومتغاظه

خليكي ريلكس ..

غيرانه إن أنا أجمل منك

وغزال مش تاكس ..

برميل بيفصل كده مني

اربعه بالعكس ..

....... والله حرام بص لسنك

بان شعرك شاب ..

على أيه وخداك الموكوسه

وبستانك غاب ..

لا هينفع سحر في قصقوصه

ولا حتى حجاب ..

وخداك علشان مالك يعني

ما بقاش فيه حساب ..

توكيل كده بعت اللي ما بينا

صباحيه هباب ..

لو حابه تغيري يا عروسه

كحلي و عناب ..

قالوا في الأمثال

قصقصي ريشه

لو عضم وداب ..

بقلم .. صبري رسلان