الجدة مديحة
__________
فيه ناس لما تشوفها
ترتاح في طلتها
وتبقى نقسك حقيقي
تتعلم من حكمتها
الجدة اسمها مديحة
جمالها في ضحكتها
وحنان الأم فيها
والرقة في كلمتها
خاصنه صغير كبير
ولا تزهق من قعدتها
ولسانها نسيم ربيع
ودايما فاتحة بيتها
___________
م الفجر تقوم تصلي
وتقرى في القرآن
وتصحي كل البيت
بهدوء نبع حنان
وتراقب كل ولادها
يحافظوا ع الأدان
وتقول واصلوا الرحم
دا الرحمة م الرحمان
دا اللي قطعها ظلم
وعاش حياته توهان
_____________
الست مديحة روح
وجودها حاجة تشرف
في أي مكان تروح
الناس عليها تتعرف
ساعة الضيقة ملاذ
لو مش معاها تتصرف
وتقول كله بثوابه
الناس غلابة بتكلف
والإيد قصيرة أكيد
والناس عماله تخلف
_______________
حواديت
محمد فتحي عبد الغني
ليست هناك تعليقات:
إرسال تعليق