مستني القيامة تقوم
...................
من غفلتي صحيت مصدوم
كانت طعنتي بخنجر مسموم
نكبتي بكتاب وكشف حساب
نكروا محبتي جابوا عليا اللوم
قريت حروفه بألم وعذاب
بكيت وفاض الدمع بأسهاب
الشمس م الكسوف
خجله للعتاب
انفجرت شريين الألم بالجواب
من طعنتي بقيت مهزوم
حتى السما ملبدة بالغيوم
مش باين فيها نجوم
القمر خرج من مداره
عاد كالعرجون القديم مهموم
نام الصبح بحضن الغيوم
الكون صبح غيم وظلام
دبل على شفاه البدر الابتسام
مات على اللسان الكلام
حتى النوم نسي الأحلام
الدنيا بقت رياح وعواصف
الغدر كان بيا عاصف
الكبر نساه يقول آسف
من افتراه الكيل طافح
بقيت شارد الفكر سارح
مش عارف بكرة من إمبارح
شجر الود بالشوك طارح
ريح الألم بالأمل طايح
أنا كنت بتساهل واسامح
واخدني الندم بسكته
بكى القلب من حسرته
بعد سنين وفا وإخلاص
صبحت اتجرع مر الكاس
من غدر أعز الناس
بعد ما مات فيه الأحساس
لقيتني أنا عايش وخلاص
مليان هموم مستني القيامة تقوم
...
بقلم.الشاعر
الأمير_محمود
ليست هناك تعليقات:
إرسال تعليق