يا وطني الحزين
أنا جايه إليك
بقلبي أنين،،
عم ببكي عليك
عم دور ع دربي
عم دور ع قلبي
انا جايه ياحبي
ت اقبل إيديك
***********
م الغربه ياغالي
جايبلك سلام
من يوم المصيبه
ما إجاني منام
كنت المحبه
كنت الإبتسام
شو صار ياعمري
ت دبلت عينيك
*************
بطرقاتك ضحايا
أطفال وأرامل
حرقتهم شظايا
بادتهم قنابل
وشباب وصبايا
أنتحروا قوافل
ما قدروا يشوفوا
الدمعه بعينيك
**************
زهورك،،، مروجك
غطاها السواد
الدفله بأرضك
اكلها الجراد
النسمة العليله
عم تشكي البعاد
مشتاقه لحبايب
تسألهاعليك
*************
يا وطني الحزين
انا جايه اليك
*************
شعر ؛ نذير دهان
ليست هناك تعليقات:
إرسال تعليق