،،،،،جحود أم،،،،
@@@@@@
زي ما فيه أم حنونة
بنت أصول...بنت حلال
فيه أمهات جاحدة وظالمة
جواها قسوة تهد جباااال
إسمها... أم... لكنها.. غم..
متعرفش حاجة إسمها حنان
بتفرق وتميز بين العياااال
رامية ودانها لكل اللي بيتقال
ورغم إنها عارفة بضيق الحال
عمرها ما ساعدت إبنها ده
ولا مرة قالت له أحلي كلام
مقسمة ولادها فئات كمااان
اللي معاها علي باطل وظلم
ده إبن بطنها..إسم الله عليه.. ياسلام
واللي بيجادل وبيطلب حقه
تدعي عليه بأعلي الصوت
ملعونة البطن اللي شالت
والأيام اللي سهرتها عشانه زمان
والأسوء من كده ياإخوان
اللي يديها فلوس أو يتمسكن لها
ده بقا ...بكل العياااال
كلمته نافذة علي الجميع
يحكم ويتحكم
ولا بعده كلام يتقال !!!!!!
ياأم عايشة في ضلال
إتقي الواحد القهاااار
إعدلي بين ولادك
وبلاش إستهتااااار
في الورث إعدلي...
حتي في حبك إعدلي...
دا كلهم عيالك
يااللي إسمك أم العيال
قربي من ولادك
كوني لهم شمعة تتحرق عشانهم
حسسيهم بالأماااان
أصل الحكاية مش ناقصة ياخال
أرف بره...وزعيق جوه في كل أوان
دا كفاية ضغوط الحياة
والنفسية اللي مش تمام
مين حتة من مين !!!؟؟؟
مين قلبه ينفطر علي مين !!؟؟
فوقي ياأم العياااال
دا المثل اللي قال
قلبي علي ولدي إنفطر
وقلب ولدي عليا حجر
أظنه مش دايماً تمام
دا فيه حالات كتيرة متخطرش علي بال
قلب الإبن إنفطر
والأم للأسف قلبها حجر صوان !!!!
" بقلم/مها بركات "
ليست هناك تعليقات:
إرسال تعليق