الحق الضايع
»»»»»»»»»»»»»»
يصعب عليا يابلدى أشوف حالك كدا
والكــل بقوا اغــــــــراب
وكمان زاد العــــــــدا
يصعب عليا بنت حلوه وردة من غير شوك
ومين بيحميها
وازاى تنـــــــدبح والكل جنبيها
ونقـول الحب
لو كان فيــــــه حب مكنش ســــــاء ليها
بس قــــــــولي يابلدى
ندور علي الحق فين
يصعب عليا شهيد لقمه
عيش رايح جى
بيسافر
ويروح الغدر يقبض روحه ويسافر
وكانه معاه أمر للروح تتاخد
وازى نرجع الحق بعد ما اتاخد
بــس قـولي يابلـــدى
نـدور علي الحـــــق فيــن
يصعب عليا تلميذ في مدرسة راح يتعلم
راح للقضي واتباع
ورجع جثه من غير ما يعلم
اعضاء وحتت تتباع
وفين القلب اللي هيتألم
بـس قـولي يابلـــدى
يـدور علي حقــــه فيـن
يصعب عليا أشوف سكارى وشمامين
وبلطجيه مأجورين
وقتالين ونهابين
بـس قـولي يابلـــدى
يـدور علي حقــــه فيـن
يصعب عليا إنعدام الرحمه بين الناس
ومين في القلب أعز وأغلي الناس
يصعب عليا شاب من غير ذنب
يندبح وبالاقدام ينداس
الحق ضاع
والدم الغالي
داسه الظلم
والكل كان فيها
طب كنتوا فين
دا الكل بقا فيها
يصعب عليا انعدام الرحمة بين الناس
ولو حتي كتمت كلامي في الكراس
لازم نــدور مابيـن الناس
ونـرجع الرحمــــه والاحساس
بقلم الشاعرة / مني صالح
ليست هناك تعليقات:
إرسال تعليق