(((الفقير عند ربو غني)))
//////////////////////////////////////////
فين ألأموال؟؟!
المال بإيد السلطة
بكل مجال والينقد
يقولولو طق بالحسره
المال إلنا
وأنت يا ويلك ما إلك
ولا،، ض،،ر،،طه
/////////////////////////////////////////
بتقول،،، بدي أعيش؟؟
انشالله عمرك ما عشت
عقلك يطيش؟؟
بالعصفوريه محجزلك تخت
طايرين لفوق
وأنت بتضلك تحت
هيك الدنيا بزماننا
صايره عونطه
////////////////////////////////////////
بتقول عدل
لك عمو يرحم يومو
صارلو زمان
عم يشخر غط بنومو
عند السلطه
فهمني مين يلومو
زلمه درويش
بهالدنيا عايش سخطه
////////////////////////////////////////
ألنا العز ويادرويش
مابتملك شي
بنمشي ع الورد
وانت ع الشوك تمشي
نحنا الدولار
وبتسأل فينو قرشي
ما بنسأل فيك
ولو حتى تصيبك جلطه
////////////////////////////////////////
شعر ؛ نذيردهان
ليست هناك تعليقات:
إرسال تعليق