/////////+++جاني ف سطورة كل كلام+++/////////
خيل لحروف قدامي سربة
لا حاجة منها تتخبة
ياك ف المحرك دايرة عنوان
بان ليا شهد وسيد لمكان
شرقت روحو ياك بين لغمام
ياك كان وكان سيد جمايع
كان في وقتو كثر من رايع
راكب حصانو ياك سيد لسياد
راجع لقلوب داك زين لعباد
لوقر ياك ظاهر على جبينو
ربي العالي قلبي يعينو
كيفكرني فيما امضى
وشحال ثعب علينا ورضى
مول الشد لبيض على راسو
زين الكسوة وسر لباسو
رجعني حبيبي لديك ليام
وحيا ليا شلى احلام
كان وكان راجل ف حياتو
طيبة بويا لا منساتو
غير صبرني عليه يالعالي
مازال ياك كالحلم في بالي
اغفر ليه الجدة وكل قديم
رحمو ربي بسمك ارحيم
بقلم صقر الحروف الزجال المحجوب بوسبولة
ليست هناك تعليقات:
إرسال تعليق