(((الليره ،،،يرحم زمانها)))
//////////////////////////////////////////
شفت الليره عم تبكي
تلطم وتئن
سألتا شو صابك قالتلي
محمولي يادوبو طول عمري
نص كيلو وبس
بدن ياني أتكدن
وأتحمل طن
/////////////////////////////////////////
قالوا زمانك ياخانم
ولأ وراح
واجا زمان الميه
وملايين اصحاح
قلت كرامه لالله عتقوني
خلوني ارتاح
تعبت يا عالم واوجاعي
ما عم بتكن
/////////////////////////////////////////
راتب أفندي هالشادد
عليي العزم
عم يتعامل معي بسفاله
وقوه وحزم
بدو امشي على كيفو
واقفلي خصم
اترجا اقلو ريحني
أبدا مايحن
////////////////////////////////////////
كنت أميره بزماني
أقضي الحاجات
وين ما امشي اتمختر
ارقص بصاجات
لكن هلق ياجماعه
زماني فات
إيدي ع خدي وبشرب
قهوه بلا بن
/////////////////////////////////////////
أنعوا معي يا عالم زماني
الليره والقرش
كانواملوك وشو زينه
قاعدين على عرش
لكن هلق المليون
قيمتو طز فش
عم يولول وبيصرخ
يامين يعين
/////////////////////////////////////////
ليره قسما وعظما
منك غلبت
قلتي بدي تطلقني
بتلاته وتلت
أنتي طالق ولو قدر
ربي ومتت
أكتبي على قبري شهيد
وما بيملك ولا البترن
//////////////////////////////////////////
شعر ؛ نذيردهان
ليست هناك تعليقات:
إرسال تعليق