((نبتدي منين الحكايه؟؟!))
/////////////////////////////////////////
قسما بالله ياسوري
صرنا حكايه
مابين البلاد سيرتنا
هادا السوري يعينو
دوم عم يبكي
دموعو ع خدو
عم تكتب الف روايه
/////////////////////////////////////////
هجر بلادو واتشرد
ببلاد الغرب
بنهارو قهر وبليلو
يدعي يارب
إيمتى بنرجع لديارنا
نودع الكرب
ياعربنا ليش بتشريدنا
الكم غايه
/////////////////////////////////////////
ويسحب موال الغربه
يبداه ياويل
حياتي ذل وعذاب
بيهدواالحيل
سوريا شموس ومن غيرا
هالدنيا ليل
وفوق اسوارا معلايه
سوده الرايه
/////////////////////////////////////////
يا قلبي دخلك هديلي
شوي دقاتك
وياجدي آه على بالي
دوم حكاياتك
قلتلي ضل ببلدك
تتهنى كل حياتك
أنا السوري
نجمه عز مضوايه
/////////////////////////////////////////
شعر ؛ نذيردهان
ليست هناك تعليقات:
إرسال تعليق