(((تجلت قدرة الخالق)))
(الراتب مصروف يوم يكفي الشهر)
////////////////////////////////////////
قبضت المعاش ويل ويلي
مات وماعاش لا والله
صفق وطار اسم الله
قهرني هدللي حيلي
الشكوى لمين غير الله
ببكي نهاري وليلي
وما بدرى فيني غير الله
////////////////////////////////////////
باب داري ضل مسكر
اوعى تفتح وحياتك
لو مهما يدقوا لو تتكسر
خليك ضامم فرداتك
كل يوم عن يوم عم تكتر
دييانه تقول ديناتك
أوفيها آه بتحسر
أشكي لمين غير الله
///////////////////////////////////////
ليرتي الصرتي مشلوله
بحياتك شدي حيلك
أبدا مانك معقوله
ختيرتي وشط رويلك
تصيحي ويلات،،، مهبوله
يلعن بييك ياويلك
مرتي صارت مسطوله
قلتلها بتفرج ايه و الله
//////////////////////////////////////
يللي هاجرت لأوربا
مني محسود نيالك
عيشتك زبده ع مربا
مافي هم يخطر على بالك
روحك خلصت من كربا
وعم بتغني موالك
ولسه بلدك بحربا
بتصرخ دخيلك الله
/////////////////////////////////////////
شعر ؛ نذيردهان
ليست هناك تعليقات:
إرسال تعليق