رسالة من جندي.......... نظم سيف الدين رشاد
؛؛؛؛؛؛؛؛؛؛؛؛؛؛؛
بعد التحية وسلامي
علي أحبابي
وكلام كتير وجعني
اللي كانوا جوا قلبي
تحياتي لكل جندي
من جدودي
عبروا القناة
شقوا الصعاب
إجتازوا الهضاب
ليحموا حدودي
عاشوا رجالا
أبطال أسود
تحمي عرين وأرض بلادي
أنا........
أنا اعترافي بحبي
جه في لحظة سلامي
علي أحبة عنهم دفاعي
شيء أكيد وواجب
ودا نظامي
أحب أعرفكم والله إني
بحبكم مخلص لكم
عشان كدا كان دفاعي
عنكم مش لشهرة
ولا منفعة
أنا دفاعي عنكم وعن بلادي
دا شيء أساسي
بيجري في دمي
ساير في روحي
حتي في حلمي
وأطياف خيالي
كان حلم حياتي
إني أقولك يا أمي
إني حبيتك بكل جوارحي
بكل دموعي
إللي نازلة من عيوني
أنا علي جبهة كلها عزة
حبيتك يا أمي
وأبوس التراب
اللي علي الأرض بتمشي عليها
وأنت..........
يا بويا يا روحي
أنا من صلبك راجل
من ضهر راجل حر تمام
والحرية هدف حياتي
أما باقي إخواتي
وصل لهم هما حبايبي
هما روحي
وفيه رسالة لعشق حياتي
عشق عفيف حب نظيف
ما فيه ملوعة وضحك سنين
علي بنات في السما عاليين
حبي ليها كان مداري
لأن الرجولة إني أحافظ
علي حبيب في السما بيلالي
كيف أضره؟!
بكلمة زلقة بلهجة مرة!
أو بلفتة فيها حيرة
أنا بقلك يا خال
وصل سلامي وحبي لحبيبي
لما يجي لك خبر موتي
في ساحة قتال
وأنا نفسي أرجع وكلي آمال
إوعي تبكي
دا البكا أكبر خطية في حق الرجال
لأني بدافع عن شرف أرضي
وحدود بلادي
وشرف حبي اللي كان
حيفضل ذكري مع روحي
ما تتنسي حتي بعد موتي
والسلام
بقلمي
سيف الدين رشاد
ليست هناك تعليقات:
إرسال تعليق