نار الهجر
يا للي هواك في قلبي جرحته
ليه بعتني
و بتشتري مين
ودواك عندي
ومن غيري لجرحك يداويك
غبت تنادي على باب قلبه
فاكر إنه حيحبك ويصاحبك
تبكي له وبيشمت فيك
وعمره في يوم ما رد عليك
ولما قابلته مرة بيضحك
خاب ظنك
حبه وفرحه ما كان لك
دا أنت قاسيت من هجره وظلمه
نفس الكأس أنا هنت عليك
يا للي هجرت في قلبي هواك
من غيري حيحن عليك
روح دور في الكون كله
على حد يحبك
كنت بحبك وبدوب فيك
قلبي خلاص
مات من بعدك وبهجرك
طول عمرك مسألتش فيه
روح دور على قبره وزوره
واترحم على حبه وعطفه
وابكي بنار الحرقة قتلته
فين حتلاقي قلب يحبك
أنت غدرت بقلبي وبعته
روح دور على قلبي يسامحك
و قلبي مات بغدرك وقساوتك
وافضل نادي وابكي واشكي
يمكن روحي ترد عليك
أنت قتلت الحب بإيدك
أنت جنيت علي قلبي وقلبك
شوف اخرة ظلمك ايه
يا حبيبي
بقلمي محمد السيد السعيد يقطين. مصر
ليست هناك تعليقات:
إرسال تعليق