حابيعك واشتري مخده ٣
*******
مالك قاعده ليه ساكته
واخده في البطين حته
ساكنه روحي والنغاشيش
ياقشطه والغموس فته
____
دافيكي عجايب الدنيا
وفيكي نغزتين حلوين
تقيدي تلهلبي ف ثانيه
انا اصرخ اقول يامعين
------
في يمينك عصا موسي
شمالك صولجان فرعون
وقعه لو ف يوم بوسه
تقولي دا البعيد مجنون
------
وانا م العشق متحمل
اروح السوق اجي محمل
شايف نفسي كدا مشملل
تقولي كنت هات كمون
-----
لاعارفه سكة المنشر
ولا تغسلي لي هدوم
ابوكي يجينا وبيفشر
يزعل لو عليكي ألوم
-----
ولا طشه علي بالك
ولا فشه وغسيل ممنبار
امك قايله داعيالك
لانافعه طبله والا تار
------
حابيعك واشتري مخده
ناعمه وإنتي بقي حاده
وانا.م وافرد علي الآخر
لاتقولي انزاح ولا إتاخر
واصحي لماتكاكي البطه
ولا عيون مليانه بالشطه
و قايده شرار تولع نار
ولا اتداري في ولاحته
-------
ياستي دا كله كان علي ايه
ايه فيكي ممكن ابكي عليه
سجين كنت ..وفكوا ايديه
دا كلك كدب واونطه
ليست هناك تعليقات:
إرسال تعليق