قصيدة بعنوان
(سلام للقلب؟$$##$&)
سلام للقلب ال ودعني.
وسابني وحيد بدون
دقاته وعيشني في تيه.
دا غير وجعه وغير تقريصه
وتغميزه وتحقيرة ونظراته.
ونسي خدامه ال طول عمره
بيخدم فيه.
سلام للقلب ال باعني برخص
تراب وفاكرني هاموت بعديه.
وشتتني وحولني من إنسان
لزوال ظل على الحيطة
بدون كلمة تسر الخاطر.
ودون ترفيه.....
سلام للقلب ال ودعني
وحسرني ونغص عيشتي
وطول حياته دقاته يدوب
على الكد سنبور مية بينقط
فرح على حزني كأنه شريه.
سلام بتودعني وليه ودعك
مادمت بايع الجسد ال كنت
ساكنه ومتربع ومتمدد
بطول وبعرض وكنت الدنيا
وكنت الآخرة وكنت حياة
لو ماشي بدون ودعك
أريح خليني مع ألمي
ال بيشرخ وبيحز في لحم
على العضم بدون ترتيب
ولا تعقيب ولا مقدمات.
و بيودع عمري ال مش
راجع وقال بيواسيه...
سلام للقلب ال ودعني
وساب روحي بدون قلب
بينبض وساب جسدي
متصاحب ومتونس
ومتدفي مع بلاويه.....
سلام ياقلب وعلى فكرة
بدأت تموت وخلاص بتنازع
وتجيب آخرك ومين قال
إن في قلب بيترك جسده
وصدره وحضنه ال حاضنه
وقفصه ال متركب ليه
ويقدر يعيش وحدية.
ويدوام على دقاته.
وكام دقه وكام نبضة.
ومنين تجيب سعادة ليك.
مدام هاتعيش على الفرقه
وعلى الوحده وعلى الغربه
وهتلاقي سكن غير سكني
هتسكن بيه.....
سلام وهاشوف قلب غير
قلبي ال ودعني
متصابي ومتعافي
ومش عجزان ولا خيبان
ومتعلم على أصوله
وها يتعلم يدق إزاي.
على مقاسي بارضو
ومتفصل..........
وهاقوله أنا مش ناقص.
خلاص بيكفي باقي لي
يومين ومحتاج
لك تحضن جسدي
وتلملمني ....
وتحس بإحساسي
وتخاف على مشاعري
وتضمد جراح نخرت
العضم بقالها سنين
وتعيدني للحياة تاني
تنعشني وتفرفشني
وتهنهني وتصبيني
وتبدأني من الأول
وهاكون ليك روحك
وصدرك ال حاضنك
وخودني معاك منين
ماتروح وعلى
جسدي خاف عليه
وداريه........
سلام ..........
للقلب ال كان محاصرني
بآهاته وبسلسلني بأغلاله
وأجاع ليله وأنينه
ودقاته ال كانت
زي الطبل في وداني
واستحاله إني أتجرأ في
يوم أحاكمه وأرفع شكوتي
لحد ولا أقاضيه
سلام للقلب ال خان
جسده وفرط
فيه.........
سلام...............؟
12/7/2024
بقلمي$$$###$
(الشاعر/خيرى حسنى)
ليست هناك تعليقات:
إرسال تعليق