((الكلام بسرك،،،ياربي سترك))
//////////////////////////////////////////////////////////////////
بدي أشكيلك ياربي منك خجلان
عم بشوف بهالدنيا ضعف الايمان
دبحنا الشرف والذمه وصلبناالعدل
///////////////////////////////////////////////////////////////////
بدي اشكيلك ياربي ظلم المسؤول
سيفو طايل ع رقابنا مشرع على طول
صغيرنا كبيرنا من خوفو تمو مقفول
واللي يفكر يفتح تمو بيغظ مايبان
///////////////////////////////////////////////////////////////////
بدي اشكيلك ياربي غلا الاسعار
بالتسعيره يوميا يزيدوا الاصفار
الجوع اتنمرد علينا حرقنا بنار
والفقر بيصرخ يادرويش ضلك غلبان
////////////////////////////////////////////////////////////////////
بدي أبوح بأسراري ياربي بخاف
مراية ب بيتي كسرتا يالطيف الالطاف
يمكن اغلط بشي كلمه بنت الاشراف
تنفضني تقرير توديني لخبر كان
////////////////////////////////////////////////////////////////////
بدي أمشي ع الهيدي م الحيط للحيط
وحتى ماابين اروح طامس بجورة قليط
واشد العزم بخطواتي اشمع الخيط
بهالحاله بكون واعي وماني غلطان
////////////////////////////////////////////////////////////////////
بدي احكي ع زعاماتنا بكلام صريح
فلت لساني من تمي وصار يصيح
اميرنا العربي في الساحه دم أهلو يبيح
على اونا ودوه انا بدي ابيع الاوطان
///////////////////////////////////////////////////////////////////
مادامك عايش بالدنيا مخلص وشريف
بدك تركض ت تهلك ت تجيب الرغيف
والمابيتعب وبيشقى هادا الحريف
يسرق ينهب وبيبلع من غير اسنان
////////////////////////////////////////////////////////////////////
شعر ؛ d,, نذيردهان
ليست هناك تعليقات:
إرسال تعليق